Concederon 2 créditos de libre configuración para o seminario:
“Introducción á análise estatística con R, para estudiantes de ADE e Economía”.

Nese seminario farase unha introduccion ao paquete estatístico R, que é o software empregado na materia Tecnicas Estatísticas para a Análise e Recollida da Información.

O seminario non ten relacion con esa Materia, xa que os seus contidos serán diferentes, e ademais o coñecemento dese programa non entra dentro do exame, nin se explica máis que superficialmente o seu manexo.

Mais Información…
Web Informativa

O plantexamento do seminario sería introducir no manexo do paquete estatístico R, de xeito que os alumnos que o realicen sexan capaces de aplicalo, con axuda de manuais apropiados, aos diferentes métodos estatísticos e econométricos que se explican na carreira.
A idea de impartilo xurdío ao empregar o programa dentro da materia de Técnicas Estatísticas. Nesta materia cumpre o papel de axudar os estudantes a realizar os cálculos necesarios, pero non se entra máis que moi levemente na súa utilización (non é o obxectivo da Materia). Por iso, ao rematar as clases, tiven a impresión de que os alumnos podían sacarlle máis utilidade á ferramenta, pero ao plantexar as aulas para “aprender estatística” e non “programas informáticos” esa utilidade non pode quedar cuberta, de aí a idea de organizar un seminario aparte.

Insisto, a Matería seguirase dando para alumnos que non saben manexar nada o programa. Manexar ben o programa aumentaría a comodidade á hora de realizar prácticas, pero non tería nada que ver coa nota.

O paquete estatístico R é software libre, e pode ser obtido no seu web: www.r-project.org .

Neste seminario vaise explicar

- Manexo de R coa interface Rcmcr (ou sexa, R con menus)

- R en liña de comandos (o xeito clásico de manexar R, e o que ten máis posibilidades)

- Nocions básicas de programación.

A quen podería interesar? en xeral a alumnos con unhas nocións de Estatística, ou sexa, Estatística II e III cursadas.

Sería independente da asignatura de Técnicas Estatísticas, que se impartiría igual ca agora: supoñendo que os alumnos non coñecen o programa.

As novidades que vaia tendo sobre o tema ireinas deixando por aquí.

…ou case. Podedes comprobalo aquí e aquí.

Polo demais non ten desperdicio, excepto o gruñido:

http://www.flickr.com/photos/22612314@N07/sets/72157604934678713

Recollido en:

http://chuza.org/historia/tudo-agas-o-grunhido-o-ingles-que-toleou-polo-porco-galego/

Neste curso, na asignatura de Tecnicas Estatísticas empregouse como paquete estatístico o programa R, que se pode obter no seu web: www.r-project.org .

A asignatura estivo centrada nos métodos estatísticos que se explicaban, e non no instrumento empregado (o programa R), por iso me quedou a impresión de que a maioría dos alumnos, ainda adquirindo unhas nocións básicas do seu manexo, necesitarían ‘un extra’, para sentirse cómodos con el e consideralo unha alternativa á hora de realizar traballos con Estatística.

Como solucionalo?

Dado que o obxectivo da asignatura non debe ser o manexo de un programa de ordenador, este ‘extra’ de ensino do paquete estatístico debería ir aparte, e unha posibilidade sería impartilo como un seminario, no que se puidese obter algún crédito de libre configuración.

Xa preguntei como facelo e averiguei que 15 horas de seminario permitirían conceder 1 crédito de libre configuración. Se o conceden.

De momento ireino solicitando.

No curso explicaríase:

- Manexo de R coa interface Rcmcr (ou sexa,R con menus)

- R en liña de comandos (o xeito clásico de manexar R, e o que ten máis posibilidades)

- Nocions básicas de programación.

A quen podería interesar? en xeral a alumnos con unhas nocións básicas de Estatística, ou sexa, Estatística I e II cursadas.

Sería independente da asignatura de Técnicas Estatísticas, que se impartiría igual ca agora: supoñendo que os alumnos non coñecen o programa.

As novidades que vaia tendo sobre o tema ireinas deixando por aquí.

Un resume moi ben feito sobre a situación do petroleo e a ‘fin do petroleo barato’.

http://rebelion.org/noticia.php?id=64787

Está escrita para USA, comentando algún dos problemas que lles vai producir, sen embargo tamén serve como visión global do tema.

O artigo orixinal procede de www.sinpermiso.info

Buscando material pola web para a asignatura de Técnicas Estatísticas atopei este traballo. Pode parecer unha frikada, pero é un traballo estatístico ben feito, pensado precisamente para difundir o interese pola estatística …

A ligazón é esta:
ANÁLISIS ESTADÍSTICO MULTIVARIANTE APLICADO AL FÚTBOL BOLIVIANO”
.

Bolívia é un país con unha gran diferencia de altura entre unhas zonas e outras. A persoas de zonas baixas podelles resultar duro moverse polas zonas altas. Isto trasladado ao deporte implicaría unha avantaxe para os equipos das zonas máis altas con respecto das outras.

Nel aplícanse diversas técnicas estatísticas (análise factorial, análise cluster, análise da varianza (ANOVA e MANOVA)), para sacar conclusións estatísticas e despois cuantificar o valor das perdas económicas que a diferencia de altitude produce aos equipos

Merece a pena botarlle un vistazo.

O IPC é un valor que intenta resumir con un número a evolución do conxunto dos prezos dos productos de consumo. É polo tanto unha medida de posición: intenta resumir un grupo de valores (a evolución do conxunto dos prezos) mediante un único parámetro.

Isto implica que pode verse afectado pola falta de representatividade das medidas de posición, … cando existen desigualdades grandes entre sectores da poboación (dispersión alta)

Outra cuestión que se observa ultimamente é que a evolución de ese índice parece ser menor ca o que a xente percibe como “verdadeira” evolución dos prezos.

Isto é o que se pretende reflexar neste web http://www.ipcreal.com/. Aquí recalculan o IPC tendo en conta os productos de consumo máis básicos, que tamén soen ser os que se mercan con máis frecuencia, polo que a súa variación é a primeira da que somos conscientes ( é evidente que a variación dos prezos da cirurxía estética algúns non esperamos percibirla nunca, e cousas como televisores ou ordenadores, que soen baixar de prezo, non os mercamos máis ca de tarde en tarde).

O valor que calculan, empregando os propios datos do INE, si describe a inflación que se está a percibir cando se fai a compra habitual.

Suponse que un licenciado en A.D.E. ao rematar a carreira vai ter unhas nocións de Estatística e Econometría, quizais non excesivamente grandes, pero si o suficiente para entender gran cantidade de artigos e escritos nas que empregan os seus conceptos, ou realizan aplicacións a diversos campos.

Un exemplo do que eu considero que debería estar ao alcance destes licenciados sería o seguinte:

Hai algún tempo saiu un estudo feito no Canada, no que obtiñan que baixar música de internet non era prexudicial para a compra de música, e incluso a favorecía.

Buscando pola rede atopei o estudio en cuestión aquí:

http://strategis.ic.gc.ca/epic/site/ippd-dppi.nsf/en/h_ip01456e.html

e un comentario sobre el nunha web sobre Dereito e tecnoloxía: http://www.michaelgeist.ca/content/view/2347/125/

Que cousas poden servir para facer uns comentarios rápidos relacionados coa Estatística. Por exemplo:

• Bear in mind, this is not a study with a particular desired outcome or sponsor – it is the government commissioning independent research to help it make better policy decisions

Aquí aparece unha cuestión social: a Estatística como instrumento para unha mellor xestión.

O traballo foi encargado por un comite gubernamental para “saber”. Se un goberno, un xestor, un cidadán, quere tomar decisións necesita estar informado, a ser posible da forma máis obxectiva e independente posible. Aquí a Estatística é un instrumento fundamental. Ter estatísticas correctas é ter información,e calquera debate ou decisión deberá telas en conta.

• When assessing the P2P downloading population, there was “a strong positive relationship between P2P file sharing and CD purchasing. That is, among Canadians actually engaged in it, P2P file sharing increases CD purchases.” The study estimates that 12 additional P2P downloads per month increases music purchasing by 0.44 CDs per year.

• When viewed in the aggreggate (ie. the entire Canadian population), there is no direct relationship between P2P file sharing and CD purchases in Canada. According to the study authors, “the analysis of the entire Canadian population does not uncover either a positive or negative relationship between the number of files downloaded from P2P networks and CDs purchased. That is, we find no direct evidence to suggest that the net effect of P2P file sharing on CD purchasing is either positive or negative for Canada as a whole

Estes son dous dos resultados que aparecen:

Na xente que baixa música hai relación significativa e positiva entre descarga de música e compra de Cds

Para a poboación en xeral non se observa relación significativa entre descarga e compra.

Un concepto: relación entre variables-

D: descarga de música (en número de descargas) C: compra de CD’s (en $ canadianos)

Para descargadores activos: algo así como C=a+(0.44/12)D

mentres que en xeral sería algo así C=a+0D

Esta descripción é unha simplificación salvaxe do traballo, pero sirve para amosar un par de ideas estatísticas:

-Estudian unha relación entre variables aleatorias, para o cal usan unha regresión, o que lles permiten dar observacións sobre a forma desa relación (positiva, e a relación entre a variacion de descargas e gasto)

-Nun caso o resultado é ‘significativo‘ no outro non.

Se non hai relación entre as variables os calculos deberían dar algo así:

C=a+0D, ainda que cambie D, C non se verá afectado por estar multiplicado por cero

Sen embargo, e dado que nº de descargas e compras son variables aleatorias, a súa relación verase afectada, polo cal ainda que non exista relación o valor da pendente da recta non será exactamente cero.

Tendo iso en conta, e neste concepto, relación ‘non significativa‘ quere dicir que o valor da pendente está demasiado cerca de cero, como para consideralo diferente (sería como botarlle a culpa á aleatoriedade desa diferencia). Sen embargo, se o valor é suficientemente grande, a pendente é significativa, a aleatoriedade non pode ser o único culpable e débese buscar outra causa.

Buscar a esa causa non sempre e facil, de feito o avogado comenta que “facer descargas fai aumentar a música” mentres que se observades os comentarios, un tal ‘David on 2007-11-02 21:28:33′ comenta que non é unha interpretación correcta, e de feito o que di o traballo é que os que baixan moita música tamén son compradores de CD’s, neste caso poderíase dicir que é a alta afición pola música a que afectá as dúas variables.

Por comezar con algo.

Estou escribindo desde un portatil que funciona con Linux Mandriva. Conectado a internet mediante wifi.

Estiven bastante tempo sen configurar a conexión, dado que, ainda que o driver funcionaba correctamente (podía acceder a traves do wifi dun veciño), non conseguía que recoñecese a clave da miña conexión.

O problema era que o Xestor da Rede enviaba a clave en Hexadecimal, mentres que eu a introducía como ASCII (ou sexa, caracteres normais) .

Despois de darlle mais voltas conseguín unha pequena solución:

-Abro unha consola e accedo como “root”, ou sexa, escribo:

>su clave_de_root

-Abro o “Centro de redes”

-Doulle ao botón de conectar

-introduzo o contrasinal con iwconfig:

>iwconfig eth1 key s:clave_do_wifi

espero uns segundos e arrinca. iwconfig é o comando que da información das tarxetas de rede sen fíos. Escribindo “iwconfig” logado como “root”, indica a configuración que ten a tarxeta ( a miña sería a eth1, o que é necesario saber para introducirlle a clave)

Seguro que hai unha maneira máis rapida de facelo, pero ainda non a atopei.